Հարց ու պատասխան

Թռիչքից 20 ժամ առաջ դուք կարող եք անցնել առցանց հաշվառումը , անցնելով այս հղումով՝ "Check-in online"։ 

Եթե դուք ձեռք եք բերել ձեր տոմսը, տոմսերի վաճառքի համար նախատեսված որևէ այլ կայքից, ապա վերադարձի համար պետք է դիմել այդ կայքի հաճախորդների սպասարկման բաժին։ 
Եթե ձեր տոմսը ձեռք է բերվել մեր կայքից, ապա պետք է ստեղծել վերադարձի հարցում՝ կայքի գլխավոր էջի "Իմ ամրագրումը" բաժնի միջոցով։  
Լրացուցիչ տեղեկությունների համար կարող եք կապվել մեզ հետ +374 (11) 747777 հեռախոսահամարով Կամ այցելել մեր գրասենյակ ՝ Վազգեն Սարգսյան 10, Piazza Grande  բիզնես կենտրոն: 

Դուք կարող եք ձեռք բերել տոմսերը ավիաընկերության պաշտոնական  www.armeniafly.com կայքում, այցելելով ավիաընկերության գլխավոր գրասենյակ` Վազգեն Սարգսյան 10 հասցեում, կամ այցելելով ավիաընկերության՝ հանրապետությունում և արտերկրում գործող գործընկեր գործակալություններ: Լրացուցիչ հարցերի համար կարող եք զանգահարել +374 (11) 747777 հեռախոսահամարին կամ գրել info@armeniafly.com հասցեին:

Եթե տոմսը ձեռք բերելիս չեք նշել Ձեր էլեկտրոնային փոստի հասցեն, ապա խնդրում ենք զանգահարել +374 (11) 747777  հեռախոսահամարին կամ գրել info@armeniafly.com հասցեին և մեր վաճառքի բաժնի մասնագետները կուղարկեն տոմսը Ձեր նշած հասցեին:

Ձեռքի ուղեբեռի քաշը տարբեր չվերթների էկոնոմ դասի համար սահմանված է 8 կգ, իսկ հանձնվող ուղեբեռի չափը 23 կգ:
Բիզնես դասի համար սահմանված է 10 կգ ձեռքի և երկու կտոր 32 կգ հանձնվող ուղեբեռ։  Ուղեբեռի մասին հավելյալ տողեկություն ստանալու համար սեղմեք այստեղ։ 

«Արմենիա»  ավիաընկերությունը մատուցում է  "Unaccompanied Minors" ծառայությունը: "UMNR" գործընթացը  հատուկ ծառայություն է, որը մատուցում է ավիաընկերությունը այն երեխաների համար, ովքեր ճանապարհորդում են առանց մեծահասակների ուղեկցության: 5-ից 16 տարեկան երեխաները կարող են  ճանապարհորդել մեր ավիաընկերության չվերթներով առանց մեծահասակ ուղևորների ուղեկցությամբ այն դեպքում, եթե ձևակերպեն ուղեկցողի հատուկ ծառայությունը: Այս ծառայությունը մատուցվում է  բոլոր ուղղությունների՝ թռիչքի և վայրէջքի օդանավակայաններում: Ծառայությունը կարող եք ակտիվացնել թռիչքի օդանավակայաննում կամ նամակ ուղարկելով reservation@armeniafly.com էլ․ հասցեին, նշելով՝ տոմսի համարը և ծառայության անվանումը։

Ձեր ամրագրման կարգավիճակը ստուգելու համար կարող եք սեղմել այստեղ։

Այո, կարող է: Եթե տոմսի ամրագրման ժամանակը լրացել է և վճարում չի կատարվել ՝ ապա ձեր ամրագրումը չեղարկվում է:  Տոմսի ամրագրման ժամկետը տատանվում է 24 ժամից 3 օրվա միջակայքում և կախված է ինչպես սակագնից այնպես էլ այն հանգամանքից թե քանի օր է մնացել թռիչքին, որը ի դեպ չպետք է գերազանցի երեք օրը: 

Ձեզ հետ օդանավակայան վերցրեք անձը հաստատող փաստաթուղթ` անձնագիր մեծահասակի համար և ծննդյան վկայական երեխայի համար, անհրաժեշտության դեպքում արտերկիր մեկնելու անձնագիր և վիզա: Կարող եք ձեզ հետ վերցնել էլեկտոնային տոմսի տպագրված տարբերակը, որը, սակայն,  չի հանդիսանում հաշվառում անցնելու պարտադիր պայման: Այն ձեզ հարկավոր է ձեր թռիչքի մասին ամբողջական տեղեկությանը տիրապետելու համար:

Կայքի գլխավոր էջում   դուք կարող եք գնել տոմս կամ ամրագրել տոմս որոշակի ժամկետով և վճարում կատարել նշված ժամանակահատվածում։ Եթե ամրագրումը չի վճարվում, այն չեղյալ է համարվում։

Այո, կարող եք:

Ընդ որում, ձեր գործողությունները կայքում կախված են այն անձանց քանակից, որոնց համար ձեռք եք բերում ավիատոմսեր:
Մեկ գործողությամբ դուք կարող եք պատվիրել ավիատոմսեր ոչ ավելի, քան ինը անձանցից բաղկացած խմբի համար: Դրա համար դուք պետք է այցելեք մեր կայքի գլխավոր էջում գտնվող «Ամրագրում» բաժինը և անցնեք ավիատոմսերի օնլայն ամրագրման գործընթացը:
Եթե խմբում ավելի քան ինը անձ է, ավիատոմսերը հնարավոր է գնել հետևյալ կերպ՝
•    Թողեք հայտ՝ group@armeniafly.com հասցեին
•    Պատվիրեք տոմսեր՝ զանգահարելով +374 (11) 747777
Լրացուցիչ տեղեկատվության համար սեղմեք այստեղ։

Ցավոք, ոչ բոլորը:

Պայմանավորված այն հանգամանքով, որ ուղևորների որոշակի դասի համար թռիչքը պահանջում է ամրագրման հատուկ գործընթացներ և ավիաընկերության փոխադրման պայմանների պարտադիր համաձայնեցում,առցանց տոմս ամրագրել չի կարելի՝

• Առանց ուղեկցողի երեխաների համար, որոնք 12 տարեկանից ցածր են և մեկնում են առանց մեծահասակի
• Առանձին տեղ զբաղեցնող մինչև երկու տարեկան երեխայի հետ մեկնող ուղևորի համար

Տվյալ դասի ուղևորները տոմս կարող են ձեռք բերել «Արմենիա» ավիաընկերության տոմսերի վաճառքի  գրասենյակներում, որտեղ տոմսերի ձևակերպմամբ զբաղվող աշխատակիցը կճշտի բոլոր անհրաժեշտ մանրամասները և կկատարի հարցում նման թռիչքի իրականացման հնարավորության վերաբերյալ:

Մեր կայքի օնլայն ծառայության որևէ էջում գտնվելու ժամանակը սահմանափակ է՝ 20 րոպե: Եթե այն գերազանցվում է, ապա հայտնվում է «Գործողության ժամանակը լրացել է» գրառումը: Նման դեպքում հարկավոր է ամեն-ինչ սկսել նորից:

Կայքում միշտ նշվում է մեկնման և ժամանման քաղաքների ժամերը: Օրինակ, եթե Երևանից թռիչքը կատարվում է 10:15-ին և ժամանումը Մոսկվա

11:45-ին է, ապա առաջին դեպքում տոմսում նշված է Երևանի ժամանակը, իսկ երկրորդ դեպքում Մոսկվայի ժամանակը: