Ճամփորդություն ընտանի կենդանիների հետ

«Արմենիա» ավիաընկերությունը սիրով կտեղափոխի ձեր ընտանի կենդանուն։

Տոմսը գնելուց հետո անհրաժեշտ է դիմել Ավիաընկերություն և ստանալ հաստատում։ 

Հայտը կարող եք ուղարկել  reservation@armeniafly.com էլ․ հասցեին։

«Արմենիա» ավիաընկերությունը կազմակերպում է ընտանի կենդանիների տեղափոխումը միայն հետևյալ պայմաններով`

  • «Արմենիա» ավիաընկերության օդանավերով կարող եք տեղափոխել միայն շուն ու կատու,
  • կենդանին պետք է առողջ լինի,
  • շան և կատվի ձագերին հնարավոր է տեղափոխել՝ 4 ամսականից սկսած,
  • կենդանուն տեղափոխելիս պետք է ունենալ բոլոր անհրաժետ փաստաթղթերը և դրանց պատճենները՝ կենդանու միջազգային անձնագիրը  (բոլոր անհրաժե՛տ պատվաստումներով), անասնաբույժի կողմից տրված տեղեկանք և այլն,
  • թռիչքի ընթացքում կենդանին պետք է գտնվի հատուկ վանդակում կամ կենդանիների համար նախատեսված փափուկ պայուսակում (ուղևորների սրահում)։

ՈՒՇԱԴՐՈՒԹՅՈՒՆ․ Ավիաընկերությունը չի իրականացնում հղի կենդանիների տեղափոխում:

 

Ընտանի կենդանիների տեղափոխում ուղևորների սրահում

Ուղևորների սրահում կենդանուն հնարավոր է տեղափոխել, եթե՝

  • ընտանի կենդանու քաշը վանդակի կամ տեղափոխման համար նախատեսված հատուկ պայուսակի հետ միասին չի գերազանցում 8 կգ,
  • վանդակի կամ պայուսակի չափսերը չեն գերազանցում 55x40x20 սմ,
  • «ուղեկցող շուն» կարգավիճակ (փաստաթղթով հաստատված) ունեցող կենդանուն՝ անկախ նրա քաշից։

ԿԱՐԵՎՈՐ Է՝ Ավիաընկերությունն ընտանի կենդանիներին չի տեղափոխում բիզնես դասի ուղևորների սրահում և տեղափոխման համար վանդակներ չի տրամադրում:

Ընտանի կենդանիների տեղափոխումն ուղեբեռի համար նախատեսված սրահում

 8 կգ-ից ավել քաշ ունեցող ընտանի կենդանիներին հնարավոր է տեղափոխել միայն ուղեբեռի համար նախատեսված սրահում։

Ի՞նչ պետք է իմանալ վանդակի մասին։ Այն պետք է լինի՝

  • ամուր պլաստիկից և մետաղյա դռնով,
  • մաքուր և երեք կողմից օդափոխվող,
  • բավականաչափ հարմար, որպեսզի ընտանի կենդանին կարողանա ազատ տեղավորվել այնտեղ,
  • հատակը պետք է ծածկված լինի հեղուկը կլանող շերտով:6 կգ-ը գերազանցող ընտանի կենդանիները տեղափոխվում են ուղեբեռի համար նախատեսված սրահում:

Ամրագրման ժամանակ Դուք պետք է հայտնեք վանդակի չափսը, ինչպես նաև վանդակի և ընտանի կենդանու քաշը: 

ԿԱՐԵՎՈՐ Է՝  Ավիաընկերությունը պետք է հաստատի կենդանու տեղափոխումը:

 

Վանդակի համար նախատեսված պահանջներ

Վանդակը պետք է լինի`

  • ամուր պլաստիկից և մետաղյա դռնով;
  • մաքուր և երեք կողմից օդափոխվող;
  • բավականաչափ հարմար, որպեսզի ընտանի կենդանին կարողանա ազատ տեղավորվել այնտեղ;
  • հատակը պետք է ծածկված լինի հեղուկը կլանող շերտով:

Անհրաժեշտ փաստաթղթերի կրկնօրինակները պետք է ամրացված լինեն վանդակին:

ՈՒՇԱԴՐՈՒԹՅՈՒՆ՝  «Արմենիա» ավիաընկերությունը կարող է մերժել ընտանի կենդանու տեղափոխումն այն դեպքում, եթե վերը նշված պայմաննները չեն պահպանվել:

 

Օդանավի սրահում կամ ուղեբեռի բաժնում ընտանի կենդանու տեղափոխման համար սահմանված վճարը

Ընտանի կենդանիների տեղափոխումը ներառված չէ անվճար ուղեբեռի մեջ: Արժեքը կախված է կենդանու քաշից և ընտրված ուղղությունից։ 

 

Կենդանու քաշը վանդակի հետ միասին՝

  • մինչև 8 կգ՝ 120 Եվրո
  • 8 կգ-ից մինչև 24 կգ՝ 190Եվրո
  • 24 կգ-ից մինչև 45 կգ՝ 230 Եվրո

 

ՈՒղեկցող շներ

ՈՒղեկցող շները ուղեկցում են սահմանափակ կարողություններով ուղևորներին:

Տոմս ամրագրելիս ուղևորը պետք է տեղեկություն տրամադրի այդ ընտանի կենդանու մասին:

ՈՒղևորը պետք է ներկայացնի փաստաթուղթ, որը հաստատում է «ուղեկցող շան» կարգավիճակը:

Այդ տեսակ շների տեղափոխումն իրականացվում է անվճար:


Ուղղություններ


Նորություններ

11.07.2017 - Ձեր գովազդը երկնքում. Արմենիա ավիաընկերությունը ներկայացրեց իր` «Արմենիա» օդանավի ամսագիրը

«Արմենիան» կանոնավոր չվերթեր է իրականացնում  Բեյրութ, Թել-Ավիվ, Միներալնիյե Վոդի, Սալոնիկ, Վորոնեժ, Թբիլիսի

20.02.2020 - Հաշվիչ տեխնիկայի ֆակուլտետից՝ ավիացիա. Կարինե Սարգսյանը 40 տարի զբաղվում է թռիչքների ապահովմամբ

Ինքնաթիռների չվերթներն անհնար է պատկերացնել առանց թռիչքների ապահովմամբ զբաղվող մասնագետների: Ինքնաթիռը ղեկավարում է օդաչուն, ուղղությունը տալիս ավիադիսպետչերը, իսկ թռիչքի թույլտվությունը ստանում դրանց ապահովման մասնագետը: «Արմենպրես»-ի հետ զրույցում՝ «Արմենիա» ավիաընկերության թռիչքների ապահովման հարցերով զբաղվող Կարինե Սարգսյանը ներկայացրեց 40 տարվա իր գործունեության բուն էությունը.

10.08.2018 - Հիմա թռիչքը դարձել Է ավելի մատչելի. «Արմենիա» ավիաընկերությունը փոխել է տարիֆները:

«Արմենիա» ավիաընկերությունը ձեռնարկել է նոր տարիֆային քաղաքականություն, համաձայն որի աշնանային և ձմեռային ամիսներին կարելի է գնել տոմսերը ավելի ցածր գներով: Այդ մասին իր հարցազրույցում Sputnik- Armenia-ի թղթակցին պատմեց «Արմենիա» ավիաընկերության փոխտնօրեն Գևորգ Խաչատրյանը:

05.06.2020 - Հատուկ չվերթեր հունիսի 10-ին

Հունիսի 10-ին «Արմենիա» ավիաընկերությունը կիրականացնի հատուկ չվերթեր՝  Երևան-Միներալնիյե Վոդի-Երևան,  Երևան-Կրասնոդար-Երևան ուղղություններով։